BE konfirmon: Liberalizimi i vizave hyn në fuqi më 1 janar 2024

Bashkimi Evropian ka konfirmuar një herë tjetër që do të ketë liberalizim të vizave për Kosovën dhe se ky vendim është i përfunduar dhe nuk do të kthehet mbrapsht.

Në një përgjigje për rtv dukagjinin, BE thekson se vendet anëtare nuk kanë mundësi të pezullojnë liberalizimin e vizave në mënyrë të pavarur. Ministria e Brendshme e Kosovës poashtu rikujton se që nga 1 janari, qytetarët e Kosovës mund të udhëtojnë në Evropë pa vizë dhe paraqet rregullat në këtë kontekst.

“Vendosja ose pezullimi i një regjimi pa viza është përgjegjësi e BE-së dhe kërkon vendime në nivel të BE-së, pasi rregullat për dhënien, pezullimin ose përfundimin e përjashtimeve të vizave janë plotësisht të harmonizuara në nivel të BE-së,” thuhet në përgjigjen e BE-së.

BE ka gjithashtu vërejtur se liberalizimi i vizave për Kosovën do të hyjë në fuqi më 1 janar 2024. Ky hap do të lejojë qytetarët e Kosovës të udhëtojnë në BE pa vizë për periudha të caktuara, me kufijen e 90 ditëve për çdo periudhë 180 ditore.

Kjo vëzhgim tregon se BE-ja ka vlerësuar se Kosova ka përmbushur të gjitha standardet e Udhërrëfyesit për Liberalizimin e Vizave që nga korriku 2018 dhe ka punuar vazhdimisht për të përmbushur këto standarde.

Më herët, presidenti i Francës kishte shprehur shqetësimet në lidhje me procesin e liberalizimit të vizave për Kosovën, duke theksuar nevojën që Kosova të plotësojë përgjegjësitë dhe standardet e saj për këtë proces.