Arrestohen dy shtetase të Kosovës në Tetovë, u futën ilegalisht në Maqedoninë e Veriut

Nga Sektori për Punë të Brendshme në Tetovë njoftojnë se gjatë ditës së djeshme janë arrestuar dy shtetase të Kosovës, sipas njoftimit të policisë, është vërtetuar se të njëjtat kishin hyrë ilegalisht në Maqedoninë e Veriut.

“Më 09.05.2024 në orën 17.05 në rrugën e ,,Ilindenit” në Tetovë, efektivët e policisë nga SPB-Tetovë kanë arrestuar Xh.M.(48) dhe L.M.(18), të dyja nga Republika e Kosovës, për arsye se pas kontrollit të kryer është zbuluar se ata kishin hyrë në shtet në mënyrë të ilegale dhe se nuk e kishin raportuar qëndrimin e tyre në zonë. Ata po mbahen në stacionin policorë për procedurë të mëtejshme”, thonë nga SPB-Tetovë.