Alternativa: Nuk dëshirojmë t’i ndihmojmë Qeverisë së Maqedonisë e cila është në rënie të lirë

Pasi që BDI dhe Lëvizja Besa u deklaruan se nuk kanë asgjë kundër që Alternativa të jetë pjesë e Qeverisë, nga partia e Afrim Gashit thonë se nuk kanë interesim për një mundësi të tillë.

“S’ka arsye pse t’i ndihmojmë një qeveria që është në rënie të lirë”, thonë nga Alternativa.

Ata shtojnë se në kuadër të partisë dhe koalicionit me ASH-në, nuk kanë biseduar për mbështetje në rreth të dytë në zgjedhjet lokale.

Ndryshe, Zaev për Cick Plus tha se Alternativa është serioze, por ata nënvlerësohen nga Aleanca për Shqiptarët.

“Alternativa është parti serioze, por ata nënvlerësohen nga Aleanca për Shqiptarët”, tha Zaev.