Ageler: Nuk do të arrihet asgjë me mosvotim

Ambasadorja e Shteteve të Bashkuara të Amerikës në Maqedoninë e Veriut, Anxhela Ageler, në profilin zyrtar në Fejsbuk të Ambasadës u ka dërguar mesazh qytetarëve që të dalin në qendrat e votimit dhe të votojnë për kandidatin që pasqyron pritshmëritë e tyre për të ardhmen.

“Qytetarët dhe votuesit e këtij vendi duhet t’u bëjnë pyetje të vështira kandidatëve, dhe pastaj ata votues… duhet të votojnë. Ata duhet të dalin atje dhe të zgjedhin kandidatin që reflekton ëndrrat e tyre për të ardhmen dhe asgjë nuk arrihet duke mos votuar”, thuhet në mesazhin e ambasadores Ageler.

Nesër në vend do të mbahet rrethi i parë i zgjedhjeve presidenciale, në të cilat janë shtatë kandidatë në garë për Vilën Vodno. Rrethi i dytë së bashku me zgjedhjet parlamentare do të mbahet më 8 maj.