A DO I NXJERRË QEVERIA E RE KOMUNAT NGA “LLOÇI” I VJETËR KU JANË ZHYTUR ME VITE?!

Bisedimet mes VMRO dhe VLEN për formimin e qeverisë së re po shkojnë drejt përfundimit. Nëse përfundojnë me sukses, ato do i japin fund një ere politike tek shqiptarët e Maqedonisë, por njëkohësisht qeveria e re mund të nxjerrë nga “lloçi” i vjetër komunat në vend, shkruan Zhurnal.
Pikërisht nga ekipet negociatore kanë njoftuar se njëra nga temat që është biseduar është edhe ndimha e rezervuar për komunat, bilancet e të cilave prej vitesh janë në një deficit “të rëndë” prej disa miliona eurosh.

Qeveria e re po planifikon ndarjen e një miliardë eurosh në katër vjet, pra 250 milionë euro në vit nga arka e shtetit për komunat që ballafaqohen me vështirësi në realizimin e projekteve infrastrukturore.

Paratë do të shkojnë për ndërtimin e kanalizimeve, rrjeteve të ujësjellësit, cerdheve, shkollave, rrugëve dhe shumë projekteve të pa përfunduara në mungëse të të ardhurave.
Kjo është paraparë në programin e VMRO-së, por që është harmonizuar së bashku me VLEN-in për programin e ardhshëm qeverisës.
Izet Mexhiti nga Lëvizja Demokratike thotë se, 1 miliard euro investime të shkojnë edhe në komunat shqiptare, për ti zhdukur dallimet në zhvillim.