Ndezi zjarr në tokën e tij, i moshuari humb jetën

Një i moshuar ka ndërruar jetë në Sukth të Durrësit, pasi u asfiksua nga tymi i zjarrit që kishte ndezur në tokën e tij.

“Në Sukth, shtetasi R. H., 75 vjeç, kishte ndezur zjarr në tokën e tij për të djegur mbetjet e prodhimeve bujqësore. Si pasojë e erës së fortë zjarri është përhapur dhe 75 vjeçari në përpjekje për të fikur zjarrin është asfiksuar nga tymi dhe për pasojë ka ndërruar jetë”, njofton policia.

Grupi hetimor ndodhet në vendngjarje dhe po punon për sqarimin e rrethanave të ngjarjes.