Do të ulet çmimi i telefonisë celulare, së shpejti në Maqedoni vjen operatori i katërt?

Zëvendëskryeministri dhe ministri i Transportit Aleksandar Nikolloski gjatë vizitës zyrtare në Budapest të Hungarisë pati një takim produktiv me Gellert Jaszai, kryetar i “4iG Group”.
Në takimin e mbajtur në kryeqytetin hungarez, presidenti i “4iG Group” shprehu interesim të madh për analizimin e kushteve për hyrjen në tregun e telekomunikacionit në Maqedoni dhe ofrimin e shërbimeve në telefoninë mobile dhe fikse.

Si një kompani e spikatur rajonale e IT dhe telekomunikacionit me një histori të dëshmuar në drejtimin e transformimit dixhital në sektorë të ndryshëm, kjo nismë është në përputhje me strategjinë e “4iG Group” për të zgjeruar praninë e saj në vendet e Ballkanit Perëndimor.
“Besojmë se përvoja e krijuar e “4iG Group” në industrinë e telekomunikacionit, e kombinuar me ekspertizën e saj në kornizat rajonale, mund të përdoret në mënyrë efektive edhe në tregun maqedonas. Kjo iniciativë premton përfitime të konsiderueshme për të dyja palët, dhe mund të jetë veçanërisht e dobishme për qytetarët e Maqedonisë, sepse si Maqedonia ashtu edhe Grupi 4iG ndajnë një vizion të përbashkët për një shoqëri të lidhur dhe digjitale të avancuar”, tha zëvendëskryeministri dhe ministri i Transportit Aleksandar Nikoloski.

Gjatë takimit zyrtar, të dyja palët theksuan rëndësinë dhe zhvillimin e infrastrukturës dixhitale për progresin ekonomik dhe social. Në përputhje me planet për zhvillimin e qëndrueshëm të Maqedonisë deri në vitin 2030, presidenti i “4iG Group” shprehu interes për bashkëpunim në projekte në infrastrukturën e komunikimit, duke theksuar investimet e mundshme në teknologjitë më të avancuara për përmirësimin e lidhjes ndërmjet zonave urbane dhe rurale në Maqedoni.

Kjo nismë synon të përmirësojë përvojën e klientit, të promovojë qëndrueshmërinë, të krijojë mundësi të reja pune dhe të stimulojë rritjen ekonomike.
“Ne kemi vullnet për të kontribuar në zhvillimin e sektorit të telekomunikacionit në Maqedoni dhe për të inkurajuar ndryshime pozitive përmes teknologjisë. Për ambicien tonë për të hyrë në tregun maqedonas të telekomunikacionit, në javët në vijim do të fillojmë bashkëpunimin me Qeverinë e Maqedonisë dhe përkushtimin tonë për ta zyrtarizuar këtë proces në detaje”, – deklaroi me nënkryetarin Nikollovski, pas bisedimeve Gellert Jazsai, president i 4iG Group.

4iG Group është operatori i dytë më i madh i telekomunikacionit në Hungari dhe një integrues kryesor i sistemit të IT, me një portofol investimesh në rritje në sektorin e hapësirës dhe industrisë së mbrojtjes. Në vitin 2022, Grupi 4iG zgjerohet në tregjet e telekomunikacionit të Ballkanit Perëndimor, duke vendosur pozicione të rëndësishme në Mal të Zi dhe Shqipëri përmes lançimit të markës së tij të telekomunikacionit – ONE.

Nën markën – ONE, filialet e 4iG në Ballkanin Perëndimor bëjnë një transformim të rëndësishëm dhe kështu bëhen marka lider në tregun e shërbimeve celulare 5G në Mal të Zi, ndërsa ONE – Albania, e krijuar nga konsolidimi i kompanive shqiptare të telekomunikacionit, bëhet ofruesi kryesor i telekomunikacionit në vend.
Krahas investimeve aktuale, 4iG Group në bashkëpunim me Telecom Egypt po planifikon edhe instalimin e një kablloje nënujore për transmetimin e të dhënave me kapacitet të lartë për të lidhur Egjiptin dhe Shqipërinë. Ky projekt mund të sjellë përfitime shtesë për Maqedoninë duke forcuar rritjen dixhitale dhe ekonomike të vendit.