Taravari: Specializimet që mungojnë do t’u jepet përparësi, ndërsa disa tjera do të kufizohen

Ministri i Shëndetësisë, Arben Taravari bëri të ditur se është takuar më dekanin e fakultetit të Mjekësisë në universitetin Shen Kirili dhe Metodi, që siç tha, ishte një bisedë shumë konstruktive ku mes tjerash u diskutua për specializimet, përcjell TV21. Taravari tha se ranë dakord që specializimet që mungojnë t’u jepet përparësi ndërsa për disa të tjerë, të kufizohen nga shtatori.

“U dakorduam që specializimet që mungojnë të ju japim përparësi në periudhën e ardhshme dhe disa specializime që janë të tepërta t’i kufizojmë, të ketë moratorium dhe besoj se prej këtë shtatori do të ketë disa specializime që do të jenë të ndaluara për një vit. Në të njëjtën kohë, disa specializime që mungojnë do t’u japim hapësirë më shumë”, tha Taravari.