Sot më së voni deri në mesnatë pritet të votohet Qeveria e re e Maqedonisë së Veriut

Sot në Kuvendin e Maqedonisë së Veriut në ora 11:00 do të vazhdojë seanca për zgjedhjen e qeverisë së re të propozuar nga mandatari dhe njëherit kryetar i VMRO-DPMNE-së, Hristijan Mickoski, ndërsa votimi pritet të bëhet pas përfundimit të debatit, më së voni deri në mesnatë.

Shumica parlamentare që kanë paralajmëruar mbështetje për votimin e Qeverisë së re përbëhet nga 78 deputetë, 58 deputetë nga koalicioni “Maqedonia Jote” udhëhequr nga VMRO-DPMNE-ja, 14 nga Koalicioni VLEN dhe 6 deputetë nga ZNAM e Maksim Dimitrievski.