Afrim Gashi dhe Halil Snopçe, kandidatët e VLEN-it për kryetar të Kuvendit?

Në takim sipas komunikatës së VLEN është theksuar nevoja për mbajtjen e përcaktimeve programore, të kihet kujdes me principet e dakorduara, dinamizim i fuqishëm i integrimeve të BE-së, lufta e pa kompromis kundër korrupsionit.

Gjithashtu bëhet e ditur se për resorët do të diskutohet ditët ne vazhdim. Burimet tona flasin që VLEN do të ketë deri në 30% të pushtetit.

Jozyrtarisht flitet që edhe posti i kryetarit të Kuvendit do t’i takojë VLEN-it, por ende nuk është definuar. Sipas burimeve partiake, dy kandidatët e mundshëm të VLEN-it për këtë post janë kryetari i Alternativës Afrim Gashi dhe Halil Snopçe nga ASH-krahu i Taravarit.

Ndryshe, së fundmi Valbon Limani nga VLEN në Dialy Click në TV21 tha se një nga kërkesat e VLEN-it në bisedime për bashkëqeverisje me VMRO-DPMNE-në është edhe posti i kryeparlamentarit. Limani u shpreh i bindur se do të arrihet marrëveshja që këtë post ta drejtojë një shqiptar/e.

“Po është”, tha Limani nga VLEN.

TV21: A ka përballje me VMRO-në që nuk e lëshon këtë si pozicion?

“Jo, besoj se do të arrihet marrëveshje për atë”, pohoi Limani.