Erdogan: Askush nuk mund të na kërkojë të mos flasim për Palestinën
Presidenti turk Rexhep Tajip Erdogan foli me terma të ashpër kundër Izraelit dhe kryeministrit Benjamin Netanyahu. Në të njëjtën kohë ai kritikoi ashpër SHBA-në, i qëndroi pranë Hamasit dhe tha se askush nuk mund të heshtë dhe të kërkojë që ai të mos mbështesë palestinezët.
Duke e krahasuar edhe një herë Netanyahun me Hitlerin dhe nazistët, ai tha se Izraeli vrau më shumë se 15,000 fëmijë në Gaza.
“Ashtu si çdo kriminel, krimet e të cilit i tregohen në fytyrë, qeveria izraelite mendon se mund të na të bëjë të heshtë.
Ne kurrë nuk do të dorëzohemi para kërcënimeve dhe presioneve tuaja”.
Duke e përshkallëzuar edhe më tej fjalimin e tij të zemëruar, presidenti turk lëshoi mallkime ndaj Netanyahut: “O Netanyahu, dëshira ime është kjo: Zot, tregohu si i Plotfuqishëm dhe drejtoji këta sionistë, veçanërisht Netanyahu, drejt shkatërrimit”.
Edhe një herë, presidenti turk përsëriti se Hamasi nuk është një organizatë terroriste: “Ne nuk mund të jemi ndër ata që shpifin Hamasin si organizatë terroriste vetëm sepse Izraeli dhe mbështetësit e tij perëndimorë e duan atë”.
“Ne nuk mund t’i quajmë terroristë luftëtarët e rezistencës palestineze”, siç i quajnë “legjionarët” dhe “mercenarët” që janë “shërbëtorë të Izraelit”, tha ai dhe i krahasoi edhe një herë veprimet e Hamasit me ato të forcave kemaliste të nacionalistëve turq gjatë Luftës së Azisë së Vogël.
