Vendoset rekordi: Ky shkurt ishte i tretë më i ngrohtë në historinë e SHBA

Shtetet e Bashkuara përjetuan dimrin më të ngrohtë në histori, njoftoi Administrata Kombëtare e Oqeanit dhe Atmosferës (NOAA). Temperatura mesatare gjatë muajve të dimrit për kontinentin (me përjashtim të Alaskës dhe Havait) ishte 3.1°C .

“Nxehtësia e vazhdueshme” ka shkaktuar “hollimin e vazhdueshëm të akullit” në Liqenet e Mëdha në SHBA-në veriore. Mbulimi i akullit në rajon ishte në nivelin më të ulët historik, sipas NOAA.

Një zjarr i madh shpërtheu në shkurt në Teksas, duke djegur më shumë se 4.3 milionë hektarë. Ishte zjarri më i keq në historinë e këtij shteti jugor të SHBA.

Muaji i kaluar ishte shkurti i tretë më i ngrohtë në rekord për SHBA-në , sipas të dhënave të NOAA të përpiluara gjatë 130 viteve të fundit.

Në fillim të kësaj jave, Observatori Evropian i Kopernikut raportoi se tre muajt e fundit ishin më të ngrohtët e regjistruar ndonjëherë në mbarë botën./abcnews