Kongresmenia amerikane: S’ka prova për Berishën non gratta, pas zgjedhjeve presim që ky vendim të anulohet

Kongresmenia amerikane Vicky Hartzler, në një intervistë të publikuar të mërkurën në Fax News, tha se shpallja non-grata e ish-kryeministrit Sali Berisha nuk është sipas saj e bazuar në prova.

Zonja Hartzler u shpreh e shqetësuar kur tha se nuk beson se ekzistojnë prova që të çojnë në shpalljen e Berishës non gratë.

“Kam dëgjuar më shumë rreth kësaj çështje teksa kam qenë në Shqipëri. Jam shumë e shqetësuar për këtë, sepse duket sikur nuk ka prova që të t’i japin atij një status të tillë”, tha zonja Hartzler.

Duke shtuar se “prandaj kjo nuk është e drejtë”, zonja Hartzler paralajmëroi se pas zgjedhjeve ky ndëshkim mund të anulohet:

“Shpresoj që me administraten e re të kemi një Sekretar Shteti të ri dhe kjo gjë të përmbyset”, tha zonja Hartzler.

Politikania amerikane, më shumë se 12 vjet kongresmene – që nga 2011, u shpreh me tone kritike edhe për axhendën e takimeve të Sekretarit të Shtetit Antony Blinken, i cili si kurrë më parë një zyrtar amerikan, shpërfilli totalisht opozitën.

Hartzler ishte kritike rreth faktit që Antony Blinken nuk shkoi në Parlamentin e Shqipërisë e as nuk takoi asnjë opozitar.

“Jam e zhgënjyer që ai e bëri këtë gjë, sepse mendoj se të gjithë zërat në Shqipëri duhet të dëgjohen”, tha ajo.