Dy pacientë nga Shkupi që iu transplantuan veshkat nga një person që kishte ndërruar jetë

“Jam i lumtur që pata rastin sot të takohem dhe të bisedoj me Kiron dhe Kirilin, dy pacientë të cilëve iu transplantuan veshkat nga një kufomë. Ata më informuan se cilësia e tyre e jetës tani është përmirësuar ndjeshëm, nuk janë më në dializë dhe ndihen mirë. Më gëzon shpirti i tyre pozitiv dhe gazmor, duke ndarë kënaqësinë e kthimit në kryerjen e aktiviteteve të jetës së përditshme. Dhurimi i organeve është akti më i lartë i njerëzimit, duke i dhënë një shans të ri për jetën!”, tha ministri i shëndetësisë, Fatmir Mexhiti.