Inspektorët do t’i padisin institucionet që nuk e respektojnë gjuhën shqipe
Në qoftë se institucionet nuk do të veprojnë në bazë të vërejtjeve dhe nuk e respektojnë ligjin për përdorimin e gjuhëve, do të inicohet rocedurë për kundërvajtje në Gjykatën Themelore. Kështu u shpreh drejtori i Inspektoratit për Përdorimin e Gjuhëve, Fatmir Iseni, për TV Shenja. Ai shtoi se arsyetimi më i shpeshtë i institucioneve që nuk e respektojnë gjuhën shqipe, është volumi i madh i punës dhe numri i vogël i përkthyesve.
Iseni tregoi se kanë pasur një ankesë për lëshime në Qendrën Informative Kulturore, por pas ndërhyrjes së tyre, QIK e ka përmirësuar lëshimin e bërë.
Fatmir Iseni, drejtor i Inspektoratit për Përdorimin e Gjuhëve
“Kemi pasur një ankesë në fillim drejtoresha e institucionit se e kanë ndryshuar tabelën, ashtu që me urdhërin tim bëmë mbikqyrje të jashtëzakonshme, ku në afat kohor, në bazë të ligjit që është paraparë ato e ndryshuan dhe vepruan në bazë të ligjit”.
Drejtori Iseni u shpreh i kënaqur me punën e Insektoratit, pasi sipas tij tani disa institucione deri më 90% e zbatojnë gjuhën shqipe.
Fatmir Iseni, drejtor i Inspektoratit për Përdorimin e Gjuhëve
“Prej themelimit të Inspektoratit, jemi shumë të kënaqur me implementimin e Ligjit për përdorimin e Gjuhëve. Mund të them lirisht, pasi në fillim kemi pasur shumë institucione që shumë pak e kanë respektuar Ligjin për Përdorimin e Gjuhëve, por pas inspektimit nga ana e Inspketoratit ato institucione kanë arritur, mund të them lirisht disa institucione ku implementohet ligji 70,80 deri në 90%”.
Inspektorati për Përdorimin e Gjuhëve vepron edhe pas ankesave të qytetarëve, kështu drejtori Iseni u bëri thirrje qytetarëve që të paraqesin ankesat e tyre, lidhur me zbatimin e gjuhëve.
Iseni theksoi se vitin e ardhshëm do të koncentrohen më shumë tek mbikqyrjet kontrolluese, ku nëse institucionet në fjalë nuk kanë vepruar në bazë të vërejtjeve, atëherë do të inicojnë procedurë kundërvajtjeje.
