Për dy vite kamataxhinjtë ia morën 164 mijë euro

Policia e Kosovës ka njoftuar se sot me urdhëresë të Gjykatës Themelore në Gjilan ka zhvilluar një operacionin policor në katër lokacione në Ferizaj, ku janë arrestuar katër persona të dyshuar për veprën penale “Fajde” dhe “Detyrim”.

“Të dyshuarit gjatë viteve 2021/2023, dyshohen se e kanë detyruar viktimën që ti paguaj deri me tani para me fajde në vlerë prej 164.500 euro”, thuhet në njoftim.

Gjatë kontrollit në pronat e të dyshuarve janë gjetur dhe sekuestruar: 2 armë (pistoleta), 4 karikator, 2 pushkë gjuetie, 95 fishekë, 5 telefona mobilë, 2600 euro, shënime/evidenca, kontrata dhe marrëveshje që dyshohen se lidhen me veprën penale.

Të dyshuarit pas intervistës me vendim të prokurorit dërgohet në mbajtje për 48 orë për proceduar të mëtejme ligjore.
“Policia e Kosovës mbetet e përkushtuar në parandalimin dhe luftimin e veprave penale në përgjithësi, në veçanti luftë e pa kompromis dhe zero tolerancë do të aplikohet kundër krimit të organizuar”, thuhet në njoftim. /Telegrafi/