Osmani: Çështja e kryqit në Kodër të Diellit është pjesë e lojës parazgjedhore

Zëdhënësi i BDI-së Bujar Osmani mendon se çështja e kryqit në Kodër të Diellit është pjesë e lojës parazgjedhore me shumë gjasa, siç tha, e dakorduar mes forcave nacionaliste që përpiqen emocionet fetare t’i keqpërdorin për garë parazgjedhore.

“Ata në mungesë të programeve dhe mungesës së mundësive dhe kapaciteteve për të garuar me tema për politika sociale, ekonomike dhe Bashkimit Europian, e shihni se gjithë fushatën e kufizojnë në disa tema që bazohen në tensione ndëretnikë dhe nderfetarë”, tha Osmani. Sipas tij, temë dominuese ështa Bullgaria dje njëfarë albanofobie që përpiqet të imponohet nga disa parti maqedonase. “Tani kjo perfomancë me shumë gjasa e dakorduar mes Besës, e cila në mungesë të çfarëdolloj kapaciteti të ofrojë jetë më të mirë për qytetarët, hy në marrëveshje të këtillë me fornact nacionaliste të të dyja anëve me qëllim shkaktimin e tensioneve”, tha Osmani.