Lloga opozitës shqiptare: Le të shkojnë vetëm në “dasmë”

Në procedurën e shkurtuar ka dështuar, por në procedurën e rregullt nuk është dashur. Të paktën kështu pretendon ministri i Drejtësisë, i cili nuk heq dorë nga ligji i amnistisë dhe pret të pranohet në një tentativë të dytë. Në konferencën e sotme për media, ai tha se është i gatshëm të pranojë amendamentin e LSDM-së, por edhe më shumë amendamente, përfshirë edhe nga opozita, vetëm nëse miratohet ligji. Ai mohon të ketë motiv personal për amnistinë dhe pretendon se i vetmi argument i tij janë kushtet e këqija në burgje, korrupsioni dhe torturat ndaj të cilave janë të ekspozuar të burgosurit me krime të lehta, përcjell FLAKA.

Ai ka bërë kritika të shumta për sjelljen e zyrtarëve gjatë viteve të kaluara, por edhe tani, të cilët thotë se nuk janë aspak të interesuar se çfarë ndodh pas burgjeve. Ai kishte edhe njohuri personale që atje paguani për privilegje, por edhe për të shkuar në tualet.

Ai sulmoi ish-zyrtarët për përdorimin e të gjitha mjeteve të mundshme për t’ua bërë më të lehtë qëndrimin në burgje, si dhe për kalimin e më shumë kohë në spital se sa në burg, duke e quajtur Gordana Jankulovskën “njeriu më i madh i VMRO-DPMNE”.

Ai konsideron se mosvotimi i sotëm i ligjit është hakmarrje nga partnerët e koalicionit në qeveri për shkak se deputetët e Aleancës për Shqiptarët nuk votuan për ndryshimet në Kodin Penal, por pretendon se kjo nuk do të thotë asgjë për marrëdhëniet e tyre të mëtejshme.

Aleanca hedh poshtë ofertën e partive më të vogla opozitare për të marrë pjesë së bashku në zgjedhjet e ardhshme, duke thënë se kanë një përvojë shumë të keqe me të trija partitë, të cilat duan të marrin disa vota plus në kurriz të tyre dhe që të nesërmen do të bashkohen me shumicën. U thotë “të shkoni vetëm në dasmë, e jo të shpresojnë tek fqinjët”. FLAKA