RMV, iku edhe një javë tjetër pa tekste shkollore

Edhe pse sipas premtimeve të ministrit Shakiri, tekstet për nxënësit e klasës së gjashtë është dashur të dorëzohen në shkolla të premten dhe nëse është e nevojshme shpërndarja do të vazhdojë edhe gjatë fundjavës, megjithatë, në disa nga shkollat ​​me të cilat ka kontaktuar Kanal 5, mësimi vazhdon pa tekste shkollore, transmeton Portalb.mk.

Përderisa Ministria e Arsimit dhe Shkencës për Kanalin 5 garanton se dorëzimi i teksteve për klasën e gjashtë është në vazhdim dhe për nxënësit e klasës së tretë janë dorëzuar në muajin shtator, shkollat ​​me të cilat kontaktoi kjo media thonë se ose nuk kanë marrë asnjë tekst për klasën e gjashtë ose se u është dorëzuar vetëm një. Ndryshe nga pretendimet e Ministrisë së Arsimitse tekstet për klasën e tretë kanë arritur në duart e nxënësve muajin e kaluar, në shkollën Gjorgija Pulevski në Aerodrom të Shkupit, mësimi i klasës së tretë, siç thotë drejtori, vazhdon të zhvillohet pa as edhe një tekst.

Përndryshe, ministri përkatës qysh vitin e kaluar siguroi se nuk do të lejojë që viti aktual shkollor të fillojë me problemet e vjetra dhe pa tekste dhe që në ditën e parë të shkollës ka premtuar disa herë se tekstet do të jenë në dispozicion fillimisht nga mesi dhe më pas deri në fund të shtatorit, megjithatë mësimi për nxënësit filloi pa 43 nga gjithsej 123 tekste shkollore për lëndët e detyrueshme. Komisioni për Parandalimin dhe Mbrojtjen nga Diskriminimi, mungesën e gati një të tretës së teksteve shkollore në fillim të vitit shkollor e vlerësoi si pabarazi dhe diskriminim të madh ndaj mijëra nxënësve, për këtë arsye paralajmëruan padi kundër Ministrisë së Arsimit. Kur do të dorëzohet në gjykatën civile, nuk ka asnjë informacion konkret, por ky është rasti i parë në të cilin ministria do të marrë padi për mbrojtje nga diskriminimi në interes publik, për mungesë tekstesh.

Konfirmimi se nxënësit e klasave të treta dhe të gjashta nuk do të marrin tekste të reja sipas Konceptit të ri për arsimin fillor, erdhi në fund të gushtit nga përgjegjës të Ministrisë së Arsimit dhe Shkencës.

Ministri Shaqiri ka premtuar se vonesa nuk do të jetë si vitin e kaluar shkollor e cila, siç tha, “nuk ka qenë i lehtë” sepse ka pasur programe të reja mësimor për katër klasa. Ky do të jetë vit ndryshe shkollor për shkak se MASH-i, theksoi Shaqiri, po përgatitet nga fillimi i këtij viti kalendarik.

Ndryshe, fëmijët e klasave të para, të dyta, të katërta dhe të pesta, materialet mësimore të të cilëve ndryshoheshin, nuk kishin libra vitin e kaluar shkollor. Në vend të librave, Ministria e Arsimit, së bashku me Byronë për zhvillimin e arsimit, edhe atëherë përgatitën materiale për të ruajtur vazhdimësinë e teksteve.

Për disa klasa vonesa e teksteve vitin e kaluar zgjati deri në gjysmëvjetorin e dytë.