Parregullsi të njejta në rastet e Onkologjisë dhe Spitalit të Manastirit

Disa institucione shtetërore janë “shënjestër” e raporteve të fundit të Entit Shtetëror për Revizion për shkak të parregullsive të konstatuara në punën e tyre. Kryerevizori i shtetit beson se nuk është e rëndësishme nëse ka presione nga qendra të caktuara të pushtetit, e rëndësishme është se sa do t’i bëjnë ballë ndikimeve. Onkologjia dhe spitali i Manastirit, sipas tij kanë dobësi të ngjashme, përcjell KlanM.

Kryerevizori shtetëror Maksim Acevski në një intervistë për REL në gjuhën maqedonase, zbuloi se në vitin e kaluar 22 raporte kanë përfunduar në prokurori. Ai siguron se bashkëpunimi i tyre është përmirësuar në krahasim me vitet e kaluara dhe se marrin pjesë aktive në hetime. Rasti i fundit është Spitali i Përgjithshëm në Manastir.

“Ajo që është identike për të dyja klinikat është se të dyja kanë një aparat të përshtatshëm të quajtur përshpejtues, i cili është i destinuar për trajtimin e pacientëve onkologjikë. Por fatkeqësisht për shkak të kushteve të pa krijuara është dhënë një sasi më e madhe e mjeteve, por deri në ditën e auditimit pajisjet nuk janë vënë në funksion. Është një nga situatat e trishta ku shteti ndan fonde për blerjen e pajisjeve mjekësore, por në mungesë të personelit të kualifikuar nuk ofrohen shërbimet e nevojshme. Situata tjetër është për dhënien e terapisë ku ka mospërputhje në mënyrën e dispenzimit dhe mënyrën e prokurimit. Nëse shikoni përmbajtjen e raportit përfundimtar të auditimit ose përmbledhjen, konstatohet se ka problem në mënyrën e menaxhimit të dhënies së terapisë, personave që janë vendosur në terapi, prokurimit të terapisë dhe shënimeve. Sipas përllogaritjeve, terapia që është prokuruar është në vlerë prej 6 milionë euro dhe shihet se është regjistruar në fund të vitit. Gjëja negative e punës së klinikës është se ka një numër të madh detyrimesh që janë marrë përtej buxhetit të planifikuar për funksionimin e saj”, thotë Acevski për REL./KlanMacedonia