Pas 24 viteve shteti po ua ndërton shtëpitë familjeve shqiptare në veriun e Mitrovicës, shpërthejnë në lot nga gëzimi (Video)

Disa shtëpi kanë filluar të rindërtohen tek Lagja e Boshnjakëve në veri.

Aty pas 24 vitesh do të kthehen për të jetuar disa familje shqiptare. Kthimin në shtëpitë e tyre ata e kanë përjetuar me lotë gëzimi.

Një një video të publikuar nga zyrtarë të VV-së disa nga ta shihen duke derdhur lotë, teksa për të parë punimet shkon edhe kryetari i Mitrovicës së Veriut, Erden Atiq.

Për kthimin në vendlindje kishte rrëfyer dy ditë më parë edhe një burrë nga familja Rakateli. Ai mes lotësh rrëfen për rikthimin atje pas 24 vitesh, shkruan gazeta online Reporteri.net.

Ai thotë se ndërtimin e ri që po ua mundëson shteti, ata e kishin gjithmonë ëndërr.

Familjari rrëfen se si nga serbët i ishin ofruar siç thotë ai “shuma marramendëse” për ta shitur pronën, por asnjëherë nuk ka pranuar.

“Kanë dhanë pare marramendëse, por nuk kemi dashtë me e e shitë, se kjo është toka e prindërve tonë”, shprehet ai mes lotës.

Ai u bën thirrje edhe shqiptarëve të tjerë që të kthehen. /Reporteri.net/