Albin Kurti sjell një lajm të mirë për familjet me të ardhura të ulëta

Programi për Mbrojtjen e Konsumatorëve të Cenueshëm të Energjisë Elektrike, i cili u prezantua të martën në qeveri, do t’i ndihmojë familjet e cenueshme duke ua subvencionuar faturat e energjisë.

Ky program është i dizajnuar për familjet kosovare me të ardhura mesatare nën 150 euro për anëtar të familjes.

Subvencionimi do të bëhet përmes formës së aplikimit, ndërsa programi do të zgjasë 1 vjet.

Sipas kryeministrit Albin Kurti, programi do të ketë rendësi të madhe për këto familje.

Ai ka treguar se programi parasheh subvencionim e faturave të energjisë për familjet të cilat kanë të ardhura mesatare nën 150 euro për anëtar të familjes, ndërsa do të zbatohet nga Ministria e Financave, Punës dhe Transfereve.

Kurti, po ashtu tha se fokus të veçantë në këtë program do të kenë grupe të caktuara të shoqërisë, si personat me aftësi të kufizuar, prindërit vetë-ushqyes dhe pensionistët që jetojnë vetëm.

“Sot jemi mbedhur këtu që ta prezantojmë edhe një program të rëndësishëm, atë të Mbrojtjes së Konsumatorëve të Cenueshëm. Programi që po e prezantojmë sot, që do të zbatohet nga Ministria e Financave, Punës dhe Transfereve, ka në fokus subvencionim e faturës së energjisë elektrike për familjet të cilat kualifikohen si konsumatorë të cenueshëm të energjisë elektrike”.

“Fokus të veçantë në këtë program do të kenë grupe të caktuara të shoqërisë, si personat me aftësi të kufizuar, prindërit vetë-ushqyes dhe pensionistët që jetojnë vetëm. Programi për Mbrojtjen e Konsumatorëve të Cenueshëm është program një vjeçar i cili fokusohet në subvencionimin e faturave të energjisë elektrike për konsumatorët e cenueshëm, të hyrat mesatare mujore të të cilëve janë nënë 150 euro për anëtar të familjes”, tha ai.

Ndërsa, ministri i Financave, Hekuran Murati, ka treguar se për këtë program tanimë është hapur forma e aplikimit, por se së shpejti ministria do të dalë me njoftime se si të plotësohet ky formular.

“Programi parasheh t’i ndihmojë të gjitha familjet të cilat mesatarisht kanë më pak se 150 të ardhura mujore për anëtar të familjes. Pra, nëse një familje ka katër anëtar parashihet që nëse ka më pak se 600 euro të ardhura mujore mesatare mund të kualifikohet për programin dhe shuma e subvencionimit pastaj do të varët varësisht më pak sesa pragu i nevojshëm që merr. Për këtë do të hapet edhe forma e aplikimit që është gati, por që gjatë ditëve në vijim do të dalim me njoftime si Ministri për formularin e aplikimit, ku të gjithë do ta kenë mundësinë që të aplikojnë”, ka thënë Murati.

Shefi i bashkëpunimit në zyrën e BE-së, Alessandro Bianciardi, tha se BE-ja është e zotuar se do ta ndihmojë Kosovën për energjinë e se deri tani 200 mijë shtëpi kanë përfituar nga subvencionimi për konsumimin e energjisë.

“Ju e dini qe BE është e zotuar që t’i ndihmojë qytetarët në Ballkanin Perëndimor që ta përballojnë krizën me energjinë. 200 mijë shtëpi kanë përfituar nga subvencionimi për konsumimin e energjisë”.

“BE mbetet e zotuar që ta ndihmojë Kosovën në fushën e energjisë. Presim me padurim që të kemi një përkrahje dhe të kemi energjinë më të kapshme”, tha ai.

Po ashtu edhe menaxheri i Bankës Botërore në Kosovë, Massimiliano Paolucci, tha se Banka Botërore do ta përkrahë Kosovëm, jo vetëm për energji, por për të gjitha fushat.

“Energjia e shtrydh buxhetin e Kosovës meqenëse situata është shumë e keqe për ata që jetojnë në varfëri sepse shpenzojnë shumë për ushqime e gjera të tjera. Presim që nga programi i lansuar sot të përfitojnë ata që nuk mund ta përballojnë inflacionin”.

“Masat e subvencionimit duhet që të analizohen shumë mirë. S’ka dyshim që do të përfitojnë më së shumti ata që kanë nevojë. Këto masa kërkojnë resurse të mjaftueshëm dhe nëse nuk janë të menaxhuara në mënyrë efikase . Banka Botërorë i përkrah të gjitha reformat në Kosovë. Banka Botërore do ta përkrahë Kosovën në shumë fusha dhe të ketë”, tha ai./EO/