Rita Ora këndoi me flamurin serb mbi krahë: Nuk e kam ditur se është i Serbisë (Video)

Ylli i muzikës Rita Ora ka interpretuar në Hungari të shtunën mbrëma në Festivalin e të Rinjve në Szeged.

Në këtë Festival kanë interpretuar disa yje me renome botërore.

Por, Rita Orës gjatë interpretimit iu hodh nga adhuruesit një flamur i Serbisë.

Këngëtarja shqiptare e mori flamurin dhe e vendosi në krah. Ky gjest i Rita Orës ka ngjallë reagime të shumta në rrjete sociale.

Por Këngëtarja e njohur, Rita Ora ka reaguar pas videos e cila po qarkullon, ku ajo shihet me flamurin serb.

Ajo në një deklaratë për Klan Kosovën ka thënë se flamuri i ishte dhënë nga një fans dhe nuk e ka dikur se cilit shtet i përket.

Rita Ora është shprehur se e ka kuptuar që flamuri ishte i Serbisë, pasi ka dalë nga skena.

Tutje, Rita tha se është shqiptare krenare dhe se qëllimi i saj nuk ishte mosrespekti ndaj popullit të saj.

“Mbrëmë gjatë performancës në Festival SZIN në Hungari, mu dha një flamur nga një fans i ri. Prej ndriçimit direkt në sy e në skenë, nuk pashë qartë se cilin shtet përfaqësonte flamuri. Sapo dola nga skena, kuptova se ishte një flamur serb e jo hungarez”.

“Përderisa i mbështes të gjithë fansat e mi, nga të gjitha vendet dhe kulturat, dua të bëjë shumë të qartë se jam një shqiptare krenare e Kosovës, dhe nuk ishte qëllimi im të mos respektoja trashëgimin time, ose të mërzisja popullin tim ose familjen time”, është shprehur tutje Rita.

Video/https://fb.watch/mGYGIaYNZw/?startTimeMs=20000&mibextid=v7YzmG