Eskobar në takim me Kovaçevskin dhe Llogën
Diplomati amerikan Gabriel Eskobar ka takuar sot Kryeministrin Dimitar Kovaçevski dhe Ministrin e Drjetësisë, Krenar Lloga.
Eskobar nuk ka paralajmëruar takim me liderët e partive shqiptare në vend.
Në njoftimin zyrtar në faqen e tij zyrtare, ministri Lloga shkruan se SHBA-të janë të intereduar që të shohin vendin anëtarë të BE-së.
Postimi i plotë:
SHBA-të duan të na shohin në Bashkimin Evropian. Takim me Gabriel Escobar, Zëvendës Ndihmës Sekretarin e Shtetit për Çështjet Evropiane dhe Euroaziatike dhe Përfaqësues Special për Ballkanin Perëndimor
Integrimet evropiane janë vendimtare për perspektivën e Republikës së Maqedonisë së Veriut dhe qytetarëve të saj dhe kanë rëndësi gjeostrategjike për stabilitetin e rajonit dhe Evropës.
Mendimi i përbashkët është se integrimi i Republikës së Maqedonisë së Veriut në BE do të thotë prosperitet për qytetarët e vendit, me ndikim në prosperitetin afatgjatë të gjithë Ballkanit Perëndimor në Bashkimin Evropian.
Mbështetje e fuqishme e SHBA-së për përparimin e vendit tonë drejt anëtarësimit të plotë në Bashkimin Evropian.
Është vlerësuar se çdo rezultat tjetër nga mundësisë për të vazhduar rrugën evropiane nuk është me interes shtetëror dhe strategjik. Prandaj, është konstatim i përbashkët që vendimi i ardhshëm në Kuvend të jetë në të mirën e vendit, në drejtim të integrimit, jo të izolimit.
