Një mërgimtar nga Ferizaj ka kërcënuar publikisht gazetarin Valon Syla.Agim Hetemi, me vendbanim në Gjermani, tha se ka hatërmbetje me Sylën, për shkak të komenteve të tij ndaj mërgimtarëve.
E, i njëjti eskaloi përmes kamerës, duke kërcënuar se po e takoi Sylën, “do ta bëjë për spital”.
“Valon Sylën ishalla nuk e zateti, se me bo me zatetë, drejt e në spital ka me shku. Se na ka ofendu shumë”, dëgjohet duke thënë mërgimtari gjatë një interviste publike.
Ai u krenua se sa herë që vjen në Kosovë, investon rreth 40 mijë euro në vit.“40 mijë euro në vit i jap në Kosovë e me na thanë ‘gërrnaqa’ nuk është në rregull”, u shpreh Hetemi për N’05.