Djegia e Spitalit Modular/ Nesër në Tetovë organizohet protestë para Gjykatës Themelore

Në rrjetet sociale qarkullon një thirrje për protest që do të organizohet ditën e nesërme (E mërkurë) në ora 12:00 para Gjykatës Themelore të Tetovës për spitalin modular që u djeg në Tetovë ku mbetën të vdekur 14 persona, përcjellë Klan M.

Kjo protestë vjen pas storjes së publikuar nga IRL me titullin ”Vrasje në Tetovë” ku shihen shumë parregullsi në procesin e marrjes së tenderit për ndërtimin e ktij spitali modular, parregullsi në instalimin e energjisë elektrike, paregullsi në materialet e përdorura për ndërtimin e këtij spitali modular si dhe shumë dyshime tjera.

Ndryshe Gjykata Themelore Penale në Tetovë dënoi Florin Besimi dhe Artan Etemi me 1 vjet e 6 muaj burg me kusht dhe 1 milion denarë dënim me para për zjarrin në spitalin modular të Tetovës, ndërsa Boban Vuçevski dhe Klinika e Tetovës si institucion u liruan nga akuzat. /KlanMacedonia/