VMRO: Klani i Zajazit do të ndërtojë central fotovoltaik prej 35 milionë eurove

Klani i Zajazit përbëhet nga familjarët më të afërt të liderit të BDI-së, Ali Ahmeti – akuzojnë sot nga VMRO-DPMNE. Sipas kësaj partie, ekziston dyshimi i bazuar se falë pozitës politike të Ahmetit në pushtet, siç thonë nga VMRO, ky klan është jashtëzakonisht i pasur, përcjell KlanM.

“I fundit nga seria e skandaleve për këtë klan të përbërë nga Shkumbini, Drini dhe Besian Ahmeti është ndërtimi i një centrali fotovoltaik 60 MW në Kërçovë, me vlerë 35 milionë euro. Këta persona, për të cilët bashkëqytetarët e tyre pretendojnë se deri para pak kohësh mezi po mbijetonin, tani janë bërë aksionerët, investitorët, novatorët dhe sipërmarrësit kryesorë në Maqedoni, ndërsa qindra mijëra qytetarë të tjerë, maqedonas, shqiptarë, turq, serbë e të tjerët, mezi ia dalin mbanë çdo muaj”, thonë nga VMRO.

Siç thuhet më tej në reagim, fëmijët e Ahmetit formuan kompaninë “Helios” dhe kërkuan kredi nga një bankë për ndërtimin e një termocentrali fotovoltaik, për të cilin, siç thonë nga VMRO, kanë deklaruar se kanë leje nga institucionet shtetërore dhe se tashmë janë marrë vesh për fondet shtetërore për një partneritet publiko-privat për termocentralin.

“Kjo do të thotë se klani i Zajazit ka siguruar të paktën një garanci verbale nga qeveria e Kovaçevskit se biznesi i tyre do të realizohet, dhe sipas informacioneve nga sinjalizuesit, me ndihmën financiare të shtetit. Kovaçevski të dalë dhe të thotë, nëse inkurajohet, a ka marrë garanci kompania e klanit të Zajaz, pra fëmijët e Ahmetit për leje për ndërtimin e një centrali fotovoltaik 60 MW? Kovaçevski nëse ka guxim le të dalë dhe të thotë a ka biseduar ai apo dikush tjetër nga pushteti me klanin Ahmeti për fondet e shtetit për ndërtimin e një centrali fotovoltaik përmes PPP”, thuhet në reagimin e VMRO-së./KlanMacedonia