Irlanda planifikon të mbysë 200,000 bagëti për të luftuar ndryshimet klimatike

Sipas një letre të brendshme nga Departamenti i Bujqësisë, Irlanda po shqyrton asgjësimin e rreth 200,000 bagëtive gjatë tre viteve të ardhshme për të përmbushur objektivat klimatike dhe për të zbutur ngrohjen globale.Janë planifikuar diskutime midis prodhuesve të qumështit dhe zyrtarëve të qeverisë, tha për dpa presidenti i Shoqatës së Furnizuesve të Qumështit të Freskët irlandez, Pat McCormack.

“Qeveria do t’u ofrojë fermerëve opsione vullnetare dhe financiarisht tërheqëse”

Qeveria do të duhet të tregojë vendosmëri dhe të paraqesë një buxhet për financimin e një programi të tillë, i cili mund të jetë vetëm vullnetar, theksoi McCormack.

Qeveria do t’u ofrojë fermerëve opsione vullnetare, financiarisht tërheqëse, tha për DPA zëdhënësja e Ministrisë së Bujqësisë.

Agjencia Kombëtare e Mjedisit njoftoi kohët e fundit se Irlanda ka të ngjarë të mos arrijë ndjeshëm objektivat e saj klimatike. Vetëm sektori i bujqësisë do të duhet të reduktojë emetimet me katër deri në 20 përqind deri në fund të dekadës.

Irlanda planifikon të reduktojë emetimet me 30 përqind krahasuar me nivelet e vitit 2005.