Ahmeti prezantoi dosjet e ilegales: E dinim çdo spiun të UDB-së që vinte nga Jugosllavia në Europë!

Ahmeti: Gjeneralët që na jepnin mësim nga Shqipëria dinin edhe foletë e dallëndysheve në kazermat e Jugosllavisë

Nën përkujdesjen e kryetarit të BDI-së z. Ali Ahmeti sot u bë prezantimi i dosjeve të ilegales shqiptare të periudhës 1945-1999, “Ilegalja shqiptare – pararendëse e rrënimit të Jugosllavisë”.

Lideri i BDI-së Ali Ahmeti duke shpjeguar për këtë periudhi tregoi se gjeneralët shqiptarë ishin të njoftuar hollësisht saqë dinin edhe foletë e dallëndysheve në kazermat e Jugosllavisë.

“Gjeneralët që na jepnin mësimnga Shqipëria dinin edhe foletë e dallëndysheve në kazermat e Jugosllavisë dhe ne i kemi ditë të gjithë dallëndyshet bashkëpunëtorë të UDB-ës që janë dhe çdokush që fluturonte në çdo aeroport të Europës mbrenda 24 orësh ne e dinim ku është dhe çka bën”, tha Ahmeti.