Deri në prill Rusia mundet të nisë një luftë të re në Moldavi

Alexandru Musteata, kreu i Shërbimit të Informacionit dhe Sigurisë, tha se ekzistonte një rrezik “shumë i lartë” për një ofensivë në Moldavi dhe se Rusia ende po planifikon të sigurojë një korridor tokësor përmes Ukrainës në rajonin e shkëputur moldav të Transdniestrisë, raporton SkyNews.

“Çështja nuk është nëse Federata Ruse do të ndërmarrë një avancim të ri drejt territorit të Moldavisë, por kur do ta bëjë këtë”, tha Musteata për kanalin televiziv TVR-Moldova.

Agjencia e tij beson se Rusia po shikon disa skenarë për të arritur në Moldavi, me një ofensivë të mundshme që do të nisë në janar-shkurt ose mars-prill.

Në një deklaratë, Shërbimi i Informacionit dhe Sigurisë tha se veprimi sulmues rus do të varet nga rrjedha e luftës së saj në Ukrainë.

Ish-republika sovjetike e Moldavisë ka vetëm një buxhet të vogël të mbrojtjes dhe rajoni i saj i Transdniestrisë është pushtuar prej kohësh nga Rusia./abcnews.al