Kovaçevski: Në 10 muajt e fundit siguruam 2000 vende të reja pune të mirëpaguara

Në një intervistë për MIA-n, kryeministri Dimitar Kovaçevski thotë se qëllimi përfundimtar i anëtarësimit në BE është përfitimi i qytetarëve dhe prosperiteti dhe stabiliteti i shtetit.

“Cilësia e jetës në Evropë është qëllimi ynë përfundimtar dhe kjo është arsyeja pse unë shpesh them se ne nuk kemi nevojë për anëtarësim vetëm për të thënë se jemi anëtarë të BE-së, por për të ndryshuar shoqërinë tonë për mirë, infrastrukturë më e mirë, arsim më i mirë, shëndetësi etj.

Përveç kësaj, ajo që është shumë e rëndësishme të theksohet në këtë kontekst është fakti se me anëtarësimin në NATO dhe negociatat tashmë të nisura, ne konsiderohemi një vend i sigurt në të cilin investitorët duan të investojnë. Dhe tashmë është e dukshme, në 10 muajt e fundit kemi arritur të sigurojmë 2000 vende të reja pune të mirëpaguara për qytetarët tanë përmes investimeve të reja direkte të huaja dhe vendase. Askush nuk dëshiron të merret me një vend që ka ngecur në vend, ka ngecur në të kaluarën, por sot me gjithë progresin që kemi bërë, ne jemi një destinacion ku kompanitë duan të investojnë. Dhe kjo, si në planin afatshkurtër, ashtu edhe në atë afatmesëm dhe afatgjatë, është përfitim i madh për qytetarët – punë më të mira, punë më të paguara, standarde më të larta jetese etj., tha Kovaçevski. /KlanMacedonia/