“Gjykatat avokatë të krimit dhe korrupsionit”, ASh reagon pas shfuqizimit të dënimit për Mijallkovin

Nga Aleanca për Shqiptarët kanë reaguar pas vendimit të Gjykatës Administrative për të shfuqizuar vendimin e shkallës së parë për rastin “Thesari”, ku i dënuar me 8 vjet burg është Sasho Mijallkov, ish drejtor i DSK-së. Nga ASH thonë se gjykatat janë bërë avokatë të krimit dhe korrupsionit.

“Gjykatat dhe gjykatësit e kontrolluar nga dhuratat Sfarovski dhe valixhet me para “LuisViton”, tanimë janë shndërruar në avokatë të krimit dhe korrupsionit.Sot, njëri nga të akuzuarit për vepra më të rënda kriminale dhe korruptive, Sasho Mijallkov, shpëtoi nga tetë vite burg pikërisht falë këtij sistemi të gjyqësisë në vend.Në këtë rast u pa qartë se si vepron rrjeti i organizuar i (pa)drejtësisë ku gjykatat themelore bëjnë qëllimisht lëshime procedurale, me të cilat i krijojnë alibi Gjykatës së Apelit të shfuqizojë vendimet dhe kështu të zvarriten proceset pafundësisht.Kjo është edhe një dëshmi se në Maqedoninë e Veriut nuk ka as kapacitete dhe as vullnet për vendosjen e drejtësisë, ndërsa konfirmon konstatimin e Aleancës për Shqiptarët se vendit i duhet një mision ndërkombëtarë që do të zbatojë reformë të mirëfilltë”, thonë nga ASH.