Çiklisti shqiptar nga Shkupi humbi jetën në aksidentin afër Radishanit

Arbër Shaqiri nga Shkupi është çiklisti që ka humbur jetën sonte në aksidentin në Qarkoren e Shkupit afër Radishanit, përcjell Klan Maqedoni. Lajmin e kanë bërë të ditur në rrjetin social Facebook, klubi i çiklistëve “Phoenix”.

Me keqardhje ju njoftojmë se sot ka ndodhur një aksident i rëndë në të cilin një veturë ka goditur dy çiklist nga Shkupi, në unazën në Shkup (Radishani) drejtimin nga Tetova. Në aksidentin ka humbur jetë shoku ynë dhe njëkohësisht anëtari i klubit Phoenix Cycling Team, Arbër Shaqiri. Në emër të klubit, shprehim ngushëllimet më të thella familjarëve dhe të afërmive”, thuhet në njoftimin e “Phoenix cycling team”.