Kurti me fjalë të ashpra për ‘Open Balkan”: I Hapur për korrupsion, kriminelë të luftës dhe kundërshtim i demokracisë evropiane

Kryeministri i Kosovës, Albin Kurti, ka folur sërish për refuzimin që i bëri nismës “Ballkani i Hapur” e si e tillë që gjeti mbështetje nga Shqipëria, Maqedonia e Veriut dhe Serbia.

Kurti në një intervistë për “Vecernji List” të Zagrebit ka thënë se “Ballkanin e Hapur” mund ta kemi vetëm pasi Serbia të hapet me Kosovën.

“Si mund të hapet Ballkani kur Serbia mbyllet për Kosovën. Nuk na pranon pasaportën, dokumentet e identifikimit, diplomat, certifikatat apo vulat e Kosovës, Ballkanin mund ta kemi të hapur pasi Serbia të hapet me Kosovën”, tha ai.

Kurti mes tjerash deklaroi se “Ballkani i Hapur” mbetet i tillë vetëm për korrupsion, kriminelë të luftës dhe është në kundërshtim me vlerat evropiane të demokraciës.

“Ballkani i Hapur” është më shumë si “Ballkani i Hapur” ndaj ndikimeve nga lindja, veçanërisht nga ato ruse. Federata dhe Kina, si dhe të hapura ndaj korrupsionit, kriminelëve të luftës, në kundërshtim me vlerat evropiane të demokracisë dhe shtetit të së drejtës. Ne duhet të jemi të hapur ndaj Bashkimit Evropian, jo të hapur ndaj Federatës Ruse dhe Kinës”, tha Kurti.