Angellov: Me sukses menaxhuam zjarret

Drejtori i Qendrës për Menaxhim me Kriza, Stojançe Angellov në konferencën e sotme për shtyp foli për punën 1 vjeçare që kur ai drejton QMK-në.

Sipas tij, Maqedonia me sukses ka menaxhuar me zjarret që ishin në Maqedoni gjatë verës, ndërsa më kritike ka qenë në pjesën lindore të vendit.

“Me sukses menaxhuam me zjarret që ishin në Maqedoni. Ne si QMK nuk kemi resurse tonat, por kemi koordinuar të tjerët. Nga kjo ui pa se pajisjet janë vjetërsuar dhe nuk është e mjaftueshme. Duhet të vazhdohet të punohet në zgjidhjen e këtij problemi”, tha Angellov.

Ai shtoi se nuk ka pasur asnjë viktimë nga zjarret dhe se kriza me zjarret ka qenë e madhe.