Panovski: Skriningu në shkolla, strategji e gabuar

Skriningu në shkolla që e bëri të obligueshëm Ministria e Shëndetësisë nuk ka logjikë sepse testet e shpejta me të cilat bëhet testimi – nuk kanë zbuluar raste asimptomatike, thotë mikrobiologu Nikolla Panovski. Sipas profesorit, testi për Kovid-19 duhet të bëhet vetëm për ata nxënës që kanë simptoma të virusit, sepse vetëm në këtë mënyrë mund të parandalohej përhapja e pandemisë nëpër shkolla dhe institucione të tjera edukative të vendit. “Ato testime, unë i kam ndarë nëpër shkolla, fillimisht kam kryer një trajnim fillestar dhe menjëherë fëmijët pa pagesë kanë pasur mundësinë të bëjnë testimin antikovid të ashtuquajturën skrining. Ndërkaq fëmija i cili nuk është prezent në hapësirat shkollore të thërritet ose në mundësi që testimi do t’i mund ti bëhej edhe në shtëpinë e tyre. Gjegjësisht posedohen 40.000 teste, ndërkaq skriningu bëhet vetëm me nga 8000 testime fillestare nga ku në Greqinë fqinje bëhet dy herë në javë, për një milion fëmijë atje, do të thotë dy milionë në javë, ndërsa ne tani do të shikojmë në televizor se si bëhet shfaqja ose ekzaminimi i një testimi skrining, pasi që akoma nuk ka trajnim profesional të duhur”, thotë mikrobiologu Panovski.

Ai për më tepër sqaron se skriningu është një testim i palogjikshëm i fëmijëve, ose sipas tij kjo i bie “të bëjmë diçka, që të mos thonë që nuk bëmë asgjë”.

Nga ana tjetër mjekja Bardha Bakiu thotë se numri i nxënësve të testuar në shkolla është shumë i ulët. Ajo thotë se nxënësit në shkolla u duhen kushte dhe mjete më të mira si dhe testime të shpejta nëse ndonjë prej nxënësve paraqitet me simptoma të ngjashme të Kovid-19. “Ministria e Shëndetësisë ka informuar se këtë javë ka mbaruar skrining i nxënësve në shkollat fillore dhe të mesme dhe se janë zbuluar vetëm 6 raste nga ndërsa 1317 nxënës kanë rezultuar negativ. Numri i nxënësve të testuar është mjaft i ulur, për të pasur një pasqyrë të qartë rreth situatës epidemiologjike në shkolla. Sipas mendimit tim shkollat duhet të pajisen me teste të shpejta dhe nëse paraqitet nxënës me simptomat që i ngjajnë koronavirusit, të testohen dhe nëse janë pozitivë të qëndrojnë në shtëpi që të parandalohet përhapja e infeksionit. Duke pasur parasysh që testimi i rregullt i nxënësve të paktën një herë në javë nuk është i mundur për arsye materiale”, deklaron mjekja Bakiu

Skriningu nëpër shkolla ka nisur më 20 tetor dhe autoritetet ende nuk ndajnë informacione se si po shkon testimi dhe cilat janë rezultatet deri më tani. Jo zyrtarisht, nga Qendra e Shëndetit Publik në Kumanovë tashmë kanë zbuluar një rast pozitiv në shkollën e mesme teknike në Kumanovë. Nxënësi do të duhet gjithashtu të bëjë një test PCR për të konfirmuar praninë e virusit të Kovid-19. Autoritetet shëndetësorë fillimisht njoftuan se ekzaminimi do të mbulonte nga 40,000 deri në 50,000 nxënës. Megjithatë, vendimi përfundimtar është që të testohen afër 8200 studentë në mënyrë të rastësishme dhe aty për aty. Sipas autoriteteve, rezultatet e marra nga kontrolli i këtyre testimeve do të varet nga mënyra se si do të zhvillohet mësimi në shkolla dhe nëse do të ketë masa shtesë për parandalimin e virusit në këto ambiente shkollore.