Shqiptarja nga Manastiri, inxhinierja e parë femër në Turqi (Foto)
Gruaja e parë inxhiniere në Turqinë moderne ka qenë Sabiha Rifat Gurajman (Sabiha Rıfat Gürayman). Ajo ka lindur në vitin 1910 në Manastir të Maqedonisë së Veriut kurse ka ndërruar jetë në vitin 2003 në Izmir. (Po të ishte turke do të quhej Sabiha Rufat, kurse Rifat është formë e shqipëruar e emrit “Rufat”). Nuk ka qenë lehtë të jeshë inxhinerja e parë në Turqi në atë kohë, por talenti i Sabihas ka qenë i jashtëzakonshëm.
Ajo ka lindur në Manastir në vitin 1910. babai i saj ka qenë oficer në ushtrinë turke dhe në moshë të re është shpërngulur në Stamboll. Shkollën fillore e pakryer në Beshioktash. Pastaj është regjistruar në shkollën e mesme të femrave Nishantashi në vitin 1925 dhe ak vazhduar në shkollë tjetër të mesme në Stamboll në vitin 1927.
Gjatë sundimit të vet, Qemal Ataturk ka inkurajuar vajzat të shkollohen. Me përkrahjen e mikut të saj dhe mësues të matmetaikës, Sabiha është regjistruar në fakultetin e inxhinierisë, i cili atë vit ka pranuar studentet e para femra.
Si një nga inxhinieret më të mira të ndërtimtarisë, asaj i është besuar ndërtimi i Mauzoleut të Ataturkut, kurse ka qenë edhe inxhiniere kryesore e kryeqytetit turrk, Ankarasë.
