Mesazhi i Bekim Salit: Mos dalja në votim është votë për të mbetur në këtë gjendje

Kandidati i opozitës shqiptare për komunën e Çairit, Bekim Sali, ka dërguar një mesazh deri tek banorët e Çairit në prag të raundit të dytë të zgjedhjeve lokale. Ai thotë se “ata marrin vota jo sepse e kanë shumicën, por sepse shumica nuk voton fare”.
“Të dielën është rrethi i dytë i zgjedhjeve lokale. Për këtë unë e kam një mesazh.
Ata marrin vota jo sepse e kanë shumicën, por sepse shumica nuk voton fare. Prandaj, për ta bërë ndryshimin, duhet të votojë secili. Qëndrimi në shtëpi në ditën e votimit është votë për të mbetur në këtë gjendje, është vulë e degradimit për fëmijët tuaj. Lutja ime është “dil voto, sepse ndryshimi varet nga vota jote!”. Një votë e ndryshon një botë”, thotë në mesazhin e tij Bekim Sali.