MSH: Rivaksinohen 45 për qind e qytetarëve të rritur

Të premten dhe të shtunën janë aplikuar gjithsej 3.250 doza vaksina, prej të cilave 884 janë aplikuar si dozë e parë, 2.257 janë rivaksinuar, ndërsa 109 qytetarë e kanë marrë dozën e tretë të vaksinës. Duke e përfshirë 16 tetorin gjithsej janë vaksinuar 799.012 qytetarë, ndërsa janë rivaksinuar 760.317, ndërsa dozën e tretë e kanë marrë 1.148 qytetarë. Pesëdhjetë e katër për qind e qytetarë mbi 40 vjeç janë rivaksinuar, ndërsa 33 për qind e popullsisë prej 18 deri 39 vjet kanë marrë së paku një dozë vaksinë, kumtoi Ministria e Shëdetësisë.

Përfshirja me vaksinimin me një dozë vaksinë, te popullata e rritur është 47 për qind, ndërsa me dy doza janë përfshirë 45 për qind e qytetarëve mbi 18 vjeç. Sipas numrit të vaksinave të aplikuara, 38 për qind e gjithë popullatës në vendin tonë është vaksinuar, ndërsa 35 për qind e popullatës në shtet kanë marrë dy doza vaksina”, informojnë nga Ministria.