Varviciotis: Të thirret seanca ndërqeveritare për anëtarësim të Maqedonisë së Veriut dhe Shqipërisë në BE

Greqia konsideron menjëherë duhet të thirret seancë ndërqeveritare për Maqedoninë e Veriut dhe Shqipërinë për fillimin e negociatave për anëtarësimin e tyre në Bashkimin Evropian dhe se hapat që Unioni duhet t’i ndërmarrë në këtë drejtim duhet të jenë të shpejta dhe të vendosura.

“Evropa është shtëpia jonë dhe ne duam që ajo shtëpi të zgjerohet, të pranojë të gjitha vendet e kontinentit evropian dhe kështu të krijojë një tërësi gjeografike dhe një rreth, dhe kështu vendet e Ballkanit Perëndimor t’i bashkohen bashkësisë”, tha ministri alternativ grek i Punëve të Jashtme përgjegjës për çështjet evropiane Miltiadis Varviciotis, pas takimit me zëvendëskryeministrin përgjegjës për çështjet evropiane Nikolla Dimitrov.

Perspektiva evropiane e Ballkanit Perëndimor, theksoi ai, është një politikë kombëtare që Greqia ka ndjekur për gati dy dekada.

“Konsiderojmë se hapat në këtë drejtim nga Evropa duhet të jenë të shpejtë dhe vendimtar. Kjo është arsyeja pse ne mirëpresim ngrohjen në lidhje me zgjerimin e shpallur në Samitin në Bërdo dhe ne jemi duke u përqendruar në këtë. Ne besojmë se një seancë ndërqeveritare duhet të thirret menjëherë për të dy vendet, Shqipërinë dhe Maqedoninë e Veriut, në mënyrë që të sqarohen pozicionet për hapat e ardhshëm në negociata dhe përshpejtimin e mundshëm të zgjerimit si për Serbinë ashtu edhe për Malin e Zi”, tha Varviciotis.

Por, vëmendja në rajon, potencoi, nuk duhet të zvogëlohet në asnjë rast, pavarësisht nga çështja e seancës ndërqeveritare, e cila duhet të mblidhet menjëherë dhe shpejt.

Ministri alternativ grek i Punëve të Jashtme theksoi se në bisedimet me Dimitrov, u morën parasysh mundësitë se si Greqia do të sigurojë njohuri teknike për procesin e integrimit të Maqedonisë së Veriut në BE.

Ndërsa Dimitrov e vlerësoi takimin me ministrin alternativ të Punëve të Jashtme si të hapur, të përzemërt dhe miqësor dhe si një takim që i përshtatet një kapitulli të ri në marrëdhëniet midis Greqisë dhe Maqedonisë së Veriut pas nënshkrimit të Marrëveshjes së Prespës.

“Biseduam kryesisht për të ardhmen evropiane në Ballkan. Për mua, kjo vizitë është, ndër të tjera, një sinjal i mbështetjes greke. Ne e shohim atë në Bruksel, e pamë në Samitin në Bërdo, e shohim në deklaratat publike të kryeministrit Micotakis, deklaratat tuaja … Ne gjithashtu folëm për Memorandumin e Mirëkuptimit që kemi tashmë me Greqinë, për të përshpejtuar procesin e integrimit evropian për Republika e Maqedonisë së Veriut. Se si të kemi bashkëpunim më të madh mes nesh dhe institucioneve të tyre në këtë drejtim”, tha zëvendëskryeministri Dimitrov.