Parregullsi në ndërtimin e spitalit modular? Grubi ndërpret drejtorin Besimi: Më lejoni të përgjigjem!

“Do t’ia lëmë organeve të hetuesisë ta shohin ngjarjen”, kjo ishte përgjigjja që fillimisht drejtori i Qendrës Klinike në Tetovë, Florin Besimi dha fillimisht në lidhje me atë se a ka pasur parregullsi në ndërtimin e spitalit modular në Tetovë, shkruan Alsat. Në insistim të gazetares së Alsat për t’u sqaruar kjo çështje ka ndërhyrë zv/kryeministri Artan Grubi, i cili tha se spitali modular është ndërtuar sipas gjitha standardeve dhe se problemet e më hershme kanë qenë teknike.