“Open Balkan”, Rama: Kosova ka hyrë në një cikël të rrezikshëm

Ndërsa ka folur lidhur me iniciativën e Ballkanit të Hapur dhe raportin me qeverinë e Kosovës, Kryeministri Edi Rama tha se Kosova ka hyrë në një cikël të rrezikshëm. Ai e argumentoi këtë deklaratë me faktin, që prej vitesh në Kosovë politika e jashtme po bëhet e brendshme dhe anasjelltas, duke i bërë gjithmonë e më nervozë partnerët ndërkombëtarë.

“Kosova ka hyrë në një cikël të rrezikshëm duke e bërë politikën e brendshme të jashtme dhe politikën e jashtme të brendshme. Jo sot, por prej vitesh është bërë politika e jashtme, politikë e brendshme. As e ka penguar Serbinë që të vazhdojë me zhvillimet e veta dhe ndoshta është vendi që ka patur zhvillim të rëndësishëm në raport me veten, as e çon përpara kauzën e vet duke i bërë gjithmonë e më nervozë partnerët ndërkombëtarë. Ka patur gjak thoni ju. Patjetër duhet kërkuar falje, çështja është si e bëjmë ne Serbinë të kërkojë falje dhe kur Serbisa duhet ta kërkojë faljen. Qasja jonë është që ta çojë çështjen edhe politike të kombit shqiptar drejt zgjidhjes, sepse është qasje diplomatike. Nuk është një qadsje që imiton luftën dhe luftë nuk është”, tha Rama./Opinion.al