Ramosaj: Situata drejt normalizimit, së shpejti përfundon gjendja e jashtëzakonshme

July 17, 2021 Lideri2 MK

Kryetari i Deçanit, Bashkim Ramosaj ka bërë të ditur se situata në këtë komunë po shkon drejt normalizimit. Ai nëpërmjet një postimi në Facebook ka treguar se së shpejti do të përfundojë edhe gjendja emergjente. “Aktorët e kyçur në menaxhimin e kësaj emergjence do të vazhdojnë̈ në implementimin e të gjitha rekomandimeve të dhëna nga IKSHPK-ja, të cilat kanë të bëjnë me standardizimin e infrastrukturës së ujësjellësit dhe furnizimin me ujë̈ cilësor sipas parametrave të pranueshme”.

Ai shtoi se qytetarët e 12 fshatrave që furnizohen nga rezervuari në Drenoc do të vazhdojnë të furnizohen me ujë të ambalazhuar nga komuna e Deçanit, njofton Klankosova.tv.

“Në takimin e mbajtur sot, më dt. 17.07.2021, të Shtabit Emergjent për Menaxhimin e Emergjencave, vlerësohet se situata e krijuar ditëve të fundit në komunën tonë po shkon drejtë normalizimit. Aktorët e kyçur në menaxhimin e kësaj emergjence do të vazhdojnë në implementimin e të gjitha rekomandimeve të dhëna nga IKSHPK-ja, të cilat kanë të bëjnë me standardizimin e infrastrukturës së ujësjellësit dhe furnizimin me ujë cilësor sipas parametrave të pranueshme. Në këtë takim u nxjerr një konkluzion i përbashkët që në bazë të raportit të QKMF-së në 24 orëshin e fundit, së shpejti do të përfundoj gjendja emergjente dhe së qytetarët e 12 fshatrave të cilat furnizohen nga rezervuari në Drenoc do të vazhdojnë të furnizohen me ujë nga Komuna e Deçanit”.

You May Also Like

Shkup, policia shqipton 167 masa, 16 për tejkalim të shpejtësisë

Heshtja ndaj dhunës çon në vrasjen e grave

Zyrtari i BDI-së sulmoi fizikisht një 56 vjeçar (Foto)