Mësuesja e Musaenit publikon foton nga Mbrëmja e Maturës: E veshi e ëma dhëndër, u martua me plumba
Musaen Zeneli është viktima më e pafajshme e masakrës me katër të vrarë në Velipojë. Plumbat mes pronarëve te dy bizneseve nuk i kursyen jetën 20-vjeçarit, i cili kishte ditën e tij të parë të punës.
Vdekja e të riut ka trishtuar pa masë opinionin publik në vend. I rritur pa babain dhe me shumë sakrifica nga nëna, Musaeni u përcoll sot për në banesën e fundit.
Ndërkohë, mësuesja e gjimnazit të Musaenit, Valdete Gjyrezi ka ndarë në rrjetet sociale foto me adoleshentin nga mbrëmja e maturës.
Ajo ka prekur me vargjet kushtuar të riut të pafajshëm që jeta iu pre në mes në mënyrën më të padrejtë.
E plotë:
Musaeni yne
Sec e veshi e ema
Dhander per kte dite
Le te gzoje i shkreti
Ti bashkohet shoqerise
Se ndau per mje bluze
As per nje kollare
Ishte veshur bukur
Lezet per ta pare
Ja kishin dhuruar
Te gzohej jetimi
Gzoi e vallzoi
Deri ne 11
Se neser fillonte
Pune si kamarjer
Gezimi tij i pare
Sa te merrte rrogen
Nenes ai me vrap
Doren do ja shendonte
Por kur gzon fukarai
Kur u ba zein
E martoi me plumba
Kostumi i mbet i ri
Nuk e besun shoket
Nuk e besoi shkolla
Musaeni mire
Qe nuk tremb as “sorra”
Ah mor Musaen
Sa zemra trishtove
Kalove pandemin
E plumbin se mashtrove
Nuk ishte faji jot
Ishte fati zi
S’te ndihmoi drejtesia
Por te bani kurban
Dhe kjo asht padrejtsi
Qofsh i xhenetit biri yne,
Ti o djal i ri
g.v/abcnews.al
