Ministri Murtezani do të viziton Poloninë dhe Ukrainën

Ministri për Çështje Evropiane, Orhan Murtezani, nga 16 deri më 19 janar 2025 për vizitë pune do të qëndrojë në Poloni dhe Ukrainë.
Gjatë vizitës së tij në Poloni, Ministri Murtezani do të takohet me Ministrin polak për çështje të BE-së, Adam Shlapka. Nga fillimi i janarit, Polonia nga Hungaria mori kryesimin gjashtëmujor me Këshillin e BE-së. Dy ministrat në takim do të diskutojnë për prioritetet e kryesimit polak me BE-në si dhe procesin e negociatave aderuese të Maqedonisë së Veriut.
Pas përfundimit të vizitës në Poloni, Ministri Murtezani do të vazhdojë me vizitë pune në Ukrainë. Në Kiev, është paraparë që MÇE Murtezani të takohet me Zëvendëskryeministren e Ukrainës për Integrime Evropiane dhe Euroatlantike, Ministre e Drejtësisë dhe Kryenegociatore për anëtarësimin e Ukrainës në BE, Olga Stefanishina.
Në kuadër të vizitës do të nënshkruhet Memorandumi për Bashkëpunim mes Maqedonisë së Veriut dhe Ukrainës, i cili do të avancojë bashkëpunimin në procesin euro-integrues dhe do të avancojë mbështetjen e Ukrainës në rrugën e saj drejt anëtarësimit në Bashkimin Evropian.
Gjatë vizitës në Ukrainë, Ministri Murtezani do të takohet edhe me deputeten në Parlamentin e Ukrainës dhe Kryetaren e Komisionit për Çështje të integrimit të Ukrainës në BE, Ivanna Klimpush-Cintcadze, Zëvendësministrin e Punëve të Jashtme të Ukrainës, Evgen Perebinis, si dhe Zëvendësministrin e Kulturës dhe Komunikimeve Strategjike të Ukrainës, përgjegjës për integrime evropiane, Andrij Nadzhos.