Mickoski: Maqedonia mes vendeve të para në Evropë për rritje të BPV-së, la pas vete shumë vende të BE-së

Në 6 muajt e fundit që kur është zgjedhur, kjo Qeveri është fokusuar plotësisht në tejkalimin e pasojave të dëmshme të ekonomisë së shkatërruar dhe të prapambetur, deklaroi kryeministri Hristijan Mickoski..

“Ne trashëguam industri në rënie, paga të papaguara, ndërmarrje publike dhe shoqëri aksionare në pronësi dominante shtetërore në falimentim.

Për këto 5 muaj kemi punuar për konsolidimin dhe rritjen e Bruto Prodhimit të Brendshëm. Ne përpiqemi ditë e natë t’i ndihmojmë bizneset që të krijojnë kushte për tregti të ndershme, pa kërcënime, shantazhe, presione dhe në parim si më parë, të jenë në hap me të varfërit dhe nevojtarët e ekonomisë. Dhe mund të them se po ia dalim dhe këtë e tregojnë treguesit e parë ekonomikë” tha Mickoski.

Ai shtoi se sipas të dhënave të Entit Shtetëror të Statistikave, ritmi i rritjes së BPV-së në tremujorin e tretë të 2024, pra në muajt korrik, gusht dhe shtator, u rrit me 3,0%, që eshte ndër më të lartat në Evropë.

“Në kushtet e situatave komplekse gjeo-ekonomike dhe politike, shifra prej 3 për qind është ndër më të lartat në kuadër të BE-së.

Vetëm pesë vende anëtare të BE-së kanë normë të lartë rritjeje në tremujorin e tretë dhe për sa i përket rajonit, dy vende anëtare të BE-së, Greqia dhe Bullgaria, kanë një rritje më të ulët në tremujorin e tretë, prej 2.4 për qind. Prandaj, mund të them se Rumania ka bilanc negativ prej -0.3 për qind, Sllovenia ka 1 për qind. Normat negative të rritjes për Estoninë, Austrinë, Letoninë, Gjermaninë, etj.

Nëse analizojmë të dhënat e rishikuara nga tre tremujorët e parë të këtij viti, atëherë mund të themi se BPV-ja e ekonomisë maqedonase u rrit mesatarisht me më shumë se 2.6 për qind, që është më shumë se parashikimet e disa institucioneve ndërkombëtare, mendoj ishte Banka Botërore që parashikoi rritje prej 1.8 për qind për vitin 2024 të BPV-së së ekonomisë maqedonase.

Ne presim rritje të ngjashme dhe më të lartë në tremujorin e katërt, gjë që do ta afronte atë në nivelin vjetor prej 3 për qind, që është shumë më i lartë se 1.8 për qind që ishte parashikuar.

Kjo do të thotë se kemi arritur të konsolidojmë ekonominë dhe treguesit të cilët mund t’i paraqesim sot opinionit maqedonas se ky tremujor është një nga më të mirët në Evropë, dhe shumë rrallë deri më tani kemi pasur rastin të mburremi me një ekonomi me rezultat që do të jetë ndër më të mirët në Evropë”, theksoi Mickoski.