Azizi: Së shpejti, Kodra e Diellit qëndër më atraktive në Ballkan

Deputeti i Koalicionit VLEN, Adnan Azizi nga Lëvizja Besa përmes një postimi në rrjetet sociale ka shpërndarë disa fotografi ku shifet si janë pastruar rrugët dhe është liruar lëvizja në drejtim të Qendrës turistike, Kodra e Diellit.

Në mbishkrim të fotografive Azizi ka theksuar se shumë shpejtë Kodra e Diellit do të shndërrohet në qëndër më atraktive në Ballkan, njofton lideri.mk.

Sipas Azizit është tashmë e dëshmuar se punojnë 24/7 në shërbim të qytetarëve, duke veçuar këtu popullin shqiptar.

“Shumë shpejtë Kodra e Diellit do të shndërrohet në qëndër më atraktive në Ballkan, kemi dëshmuar se ne punojmë 24/7 në shërbim të interesave të qytetarëve – shqiptarëve”, ka shkruar Azizi.