Policia arreston shtetasin turk, në makinën e tij janë gjetur 8 emigrantë nga Siria

Policia ka arrestuar një kontrabandist pasi në makinën e tij janë gjetur 8 emigrantë nga Siria. Ngjarja ka ndodhur rreth orës 1 pas mesnatës së të martës, në afërsi Bogorodicës në rajonin e Gjevgjelisë. Nga policia njoftojnë se policia e stacionit për mbikëqyrje kufitare dhe verifikime kufitare, e ndaluan 25 vjeçarin me iniciale D.B nga Republika e Turqisë, pasi gjatë kontrollit të makinës së tij “Shkoda Fabia” me targa të Shkupit, gjetën 8 emigrantë. Personi u mbajt në stacionin policor, ndërsa makina dhe emigrantët u dërguan në qendrën pranuese-transitore në Gjevgjeli për procedurë të mëtejshme. Nga policia thonë se denoncimi i përkatës do të bëhet pas dokumentimit të plotë të rastit. /Alsat.mk