Erdogan e ka ftuar Trumpin për vizitë në Turqi: Bashkëpunimi me SHBA-në është kyç për zgjidhjen e konflikteve globale

Presidenti turk, Rexhep Taip Erdogan ka theksuar rëndësinë e bashkëpunimit midis Turqisë dhe SHBA-së për adresimin e krizave të mëdha globale, përfshirë ato në Rripin e Gazës dhe Ukrainë, raporton Anadolu.

“Ne po përballemi me sfida të shumta, duke përfshirë çështjen e Palestinës dhe krizën Rusi-Ukrainë. Tejkalimi i tyre është i mundur përmes bashkëpunimit Turqi-SHBA”, tha presidenti Erdogan, duke folur me gazetarët gjatë fluturimit të tij të kthimit nga Budapesti, ku mori pjesë në një samit evropian.

Erdogan gjithashtu theksoi potencialin për gjallërimin e partneritetit turko-amerikan, duke përmendur komentet pozitive për Turqinë nga presidenti i zgjedhur i SHBA-së, Donald Trump.

“Ne e kemi ftuar atë në vendin tonë dhe unë shpresoj se ai do ta pranojë ftesën tonë”, tha presidenti Erdogan.