“Qeverisë LSDM dhe BDI-së i kanë munguar plotësisht vlerësimet për ekonominë dhe tani në vend të rritjes qeveria po i kthen borxhet e tyre”, thuhet në komunikatën e VMRO-DPMNE-së.
“Për të parë se ku jemi, duhet të dimë se ku kemi filluar apo çfarë na ka lënë qeveria e kaluar e udhëhequr nga LSDM dhe BDI.Realiteti tregon se LSDM dhe BDI na kanë lënë institucione që po zhyten në korrupsion dhe krim, buxhet të projektuar jorealisht, rritje të parashikuar jorealisht. LSDM dhe BDI kanë planifikuar buxhet për gjysmë viti, e jo për të gjithë vitin 2024, që do të thotë se nuk i kanë lënë hapësirë për manovrim Qeverisë së re. 83 milionë euro nga Buxheti do të shpenzohen për shlyerjen e huave jashtë vendit që qeveria e kaluar e LSDM-së dhe BDI-së, së bashku me drejtorët, i ka bërë përmes ndërmarrjeve publike si Rrugët Shtetërore, Hekurudhat, JSP, ESM që nuk janë në gjendje t’i paguajnë dhe për të njëjtat janë lëshuar garanci shtetërore.
Dhe jo vetëm kjo, por qeveria e kaluar, kur e krijuan Buxhetin, i injoruan plotësisht vlerësimet për rritjen e ekonomisë. Pra, rritja që pritet tani nuk është 3.4 për qind, por 2.1 për qind. Këtë lloj Maqedonie e kemi trashëguar. Ne do ta ndryshojmë këtë. Me ta përfundon paaftësia, ne punojmë 100 për qind me përgjegjësi për të ardhmen tuaj!”, thuhet në deklaratën e VMRO-DPMNE-së.
